Oza lahttun
ICOM Suoma lahttoovddut
- Lahttogoarttain fidnet nuvttá sisabeassama dahje vuoládusa sisabeassanmávssuin máŋggain museain birra máilmmi iige du vealttakeahttá dárbbaš čuožžut gurgadasas.
- Dus lea vejolašvuohta searvat ICOMa riikkaviidosaš kommišuvnnaide ja čanusservviid doibmii.
- Dus lea vejolašvuohta oassálastit juohke goalmmát jagi lágiduvvon ICOMa oktasaščoahkkimii.
- Sáhtát ohcat ICOM Suoma ovddasteaddjin máilmmi konfereanssaide, dáhpáhusaide dahje čoahkkimiidda.
- Oaččot iežat šleađgapostii ICOMa riikkaidgaskasaš ođasreivve.
Lahttun dohkkejit
Searvvi dievaslaš lahttun válljejuvvon ovttaskas olmmoš galgá leat:
- dohkálaš museabargui juogo skuvlejumi dahje dan vástideaddji bargovásáhusa dihte ja sus galgá leat ollesáigásaš dahje oasseáigásaš bargogaskavuohta museas dahje eará servošis dahje organisašuvnnas
- dahje museaámmátlaš, guhte lea ealáhagas.
- dahje sorjjasmeahttun museaámmátlaš dahje bagadalli, gii čuovvu ICOMa museabarggu ámmátetihkalaš njuolggadusaid ja bargá museaid buorrin, muhto gii ii vuovdde dahje máinnus museain adnojuvvon gávppálaš buktagiid dahje rusttegiid.
- dahje eará olmmoš, gii lea ánssášan ICOMa lahttuvuođa iežas riikkasis dahje riikkaidgaskasaš kommišuvdnii čađahuvvon ámmátlaš bálvalusaid geažil. Dákkár lahtut sáhttet leat eanemustá 10 % searvvi lahtuin.
Studeantalahttu galgá leat:
- Metropolia konserverenstudeanta dahje studeanta, gii lea čađahan musealogiija vuođđooahpuid ja álggahan ávnnasoahpuid. Ohcanskovi oktavuođas galgá doaimmahit duođaštusa gáibiduvvon oahpuid čađaheamis. Universitehta joatkkastudeanttat eai leat dohkálaš ohccit.
Searvvi čanuslahttu galgá leat:
- musea dahje vástideaddji searvvuš dahje organisašuvdna, man oassin musea doaibmá dahje mas musea lea sorjavaš.
Lahtu earráneapmi ja eretcealkin
Lahttu sáhttá earránit searvvis nu, ahte almmuha das stivrra sátnejođiheaddjái dahje čállái. Earránanalmmuhusa sáhttá guođđit maiddái stivrra čoahkkimis. Stivra sáhttá eretcealkit lahtu searvvis, juos lahttu ii leat máksán lahttomávssu ja earrebeaivvis lea gollan jahki dahje juos son ii leat muđuid dikšon daid geatnegasvuođaid, maidda son lea čatnasan dahje son lea iežas láhttemiin mealgat vahágahttán searvvi dahje ii šat deavdde lágas dahje searvvi njuolggadusain máinnašuvvon gáibádusaid.
Oza lahttun
Lahttuvuohta
ICOMa lahttun ozat guvttiin elektrovnnalaš skoviin, maiguin searvvat sihke Suoma riikkasis kommišuvdnii ja Parisa guovddášsearvái. Lahtuid dohkkeha ICOM Suoma kommišuvnna stivra ICOMa almmolaš njuolggadusaid vuođul. Ohcamušat gieđahallojuvvojit unnimustá guktii jagis ICOM Suoma kommišuvnna čoahkkimis dahje šleađgapoasttain. Go lahttuvuohta lea dohkkehuvvon, čálli diŋgo goartta ICOMa čállingottis Parisas. Goarta doaimmahuvvo Supmii ICOMa čállái sullii golmma vahkus, man maŋŋá čálli sádde dan lahttui. Ráhkkan 1-2 mánu gieđahallanáigái. Mii eat gieđahala váilevaš ohcamušaid, nuba muitte máhcahit guktuid ohcamušaid:
- Deavdde Suoma kommišuvnna elektrovnnalaš skovi. Muitte maiddái riikkaidgaskasaš kommišuvnna.
- Deavdde maiddái Parisa skovi.
Juos Parisa skovvi ii doaimma, sáhtát maiddái printet dahje skánnet skovi ja sáddet dan min šleađgapostii info@icomfinland.fi
Maŋimuš searvvi stivrra dohkkehan lahttomávssut:
Lahttu 80 €
Studeanttat ja ealáhatolbmot 43 €
Institušuvnnaid lahttuvuohta
Yhteisöt ja instituutiot voivat hakea jäseneksi täyttämällä pelkästään Pariisin lomakkeen. Category-kohInstitušuvnnat sáhttet ohcat lahttun go devdet dušše Parisa skovi. Category-sadjái válljejuvvo musea bušeahta vástideaddji luohkká listtus. Lahttomáksu mearrašuvvá bušeahta vuođul.
Searvvušlahtut I I (bušeahtta – 30 000 €) 296 €
Searvvušlahtut II (bušeahtta 30 000 – 100 000 €) 379 €
Searvvušlahtut III (bušeahtta 100 000 – 1 000 000 €) 556 €
Searvvušlahtut IV (bušeahtta 1 000 000 – 5 000 000 €) 656 €
Searvvušlahtut V (bušeahtta 5 000 000 – 10 000 000 €) 747 €
Searvvušlahtut VI (bušeahtta 10 000 000 € -) 912 €